QAA - Buyuk Britaniyada oliy ta’lim sifatini tashqi baholash va standartlarni belgilash uchun mas’ul mustaqil tashkilot bo‘lib, 1997-yilda tashkil etilgan. U Angliya, Shotlandiya, Uels va Shimoliy Irlandiyadagi oliy ta’lim muassasalarida sifatni ta’minlash jarayonlarini monitoring qiladi hamda milliy akademik standartlar tizimini ishlab chiqishda muhim rol o‘ynaydi.
QAAning asosiy vazifalari - universitetlarning ichki sifat ta’minoti tizimlarini tashqi baholash (quality review), milliy malaka doiralari va fanlar bo‘yicha benchmark statement’larni ishlab chiqish hamda talabalar manfaatlarini himoya qilishdan iborat. Baholash jarayonlari mustaqil ekspertlar va talabalar vakillari ishtirokidagi peer-review asosida amalga oshiriladi. QAA shuningdek, Buyuk Britaniya Oliy ta’lim sifati kodeksi (UK Quality Code)ni yuritadi.
QAA xalqaro miqyosda ham faol bo‘lib, ko‘plab mamlakatlarda maslahat va baholash xizmatlarini ko‘rsatadi. Uning faoliyati Buyuk Britaniya oliy ta’lim tizimining global obro‘sini mustahkamlash, diplomlarning xalqaro tan olinishi va akademik standartlarning izchilligini ta’minlashga xizmat qiladi.
O'zbekcha 
English
