Umumiy ma'lumot

Ekspert komissiyasi – davlat akkreditatsiyasida tashqi baholashni amalga oshirish uchun tuziladigan maxsus komissiya

Ekspertlar komissiyasining asosiy vazifalari

Ichki hisobotlarni tahlil qilish

Tashqi baholashni o'tkazish

Hisobot tayyorlash

Tavsiya va takliflar tayyorlash

Strategiyamiz

Ta’lim tashkiloti yoki dasturini akkreditatsiyadan o‘tkazish yoki rad etish to‘g‘risida yakuniy qaror qabul qilish

Ta’lim muassasasining davlat ta’lim standartlariga muvofiqligini va maqomini belgilash

Zarurat tug‘ilganda qo‘shimcha ma’lumotlar va mutaxassislarni jalb etish

Akkreditatsiya natijalariga asoslangan rivojlantirish tavsiyalarini ishlab chiqish hamda jamoatchilik uchun ochiq hisobotlar tayyorlash

Baholash jarayonlarining shaffofligi, ishonchliligi va xalqaro standartlarga muvofiqligini ta’minlash

Ekspertlarga qo‘yiladigan talablar

Taʼlim darajasi:

Oliy maʼlumot (magistr) yoki falsafa doktorlik darajasi (muayyan holatlarda soha talablariga muvofiq).

Ish tajribasi:

tegishli soha yoki yoʻnalish boʻyicha kamida 5 yillik tajribaga ega bo'lish

Standartlar bo‘yicha bilim:

milliy va xalqaro taʼlim sifatini taʼminlash hamda tashqi baholash standartlari bilan tanish boʻlish (ESG, EQAVET, ISO)

Etika va xulq-atvor:

manfaatlar toʻqnashuvi mavjud boʻlmasligi, betaraflik, maxfiylik va odob-axloq qoidalariga amal qilish

Til bilimi:

davlat tilini yaxshi bilish (xorijiy ekspertlar bundan mustasno) hamda baholanayotgan taʼlim dasturi yuritiladigan tilni tushunish

AKT ko'nikmalari:

axborot-kommunikatsiya texnologiyalari, jumladan akkreditatsiya axborot tizimlari, elektron hujjat yuritish va masofaviy baholash vositalari bilan ishlash koʻnikmalariga ega bo'lish

Akademik faollik:

akademik va ilmiy faoliyat tajribasi (Scopus, Web of Science va boshqa nufuzli xalqaro ilmiy bazalarda indeksatsiya qilingan yuqori impakt faktorli ilmiy jurnallarda ilmiy nashrlari mavjudligi ustunlik sifatida baholanadi)

Ekspertlarni tanlash va sertifikatlash jarayoni:

Ekspertlikka nomzodlarni saralash quyidagi bosqichlarda amalga oshiriladi:

Birinchi bosqich – sunʼiy intellekt bilan suhbat

Nomzod ariza topshirganidan soʻng, unga sunʼiy intellekt bilan suhbat tashkil etish uchun tegishli havola taqdim etiladi. Ushbu havola taqdim etilganidan soʻng, nomzod 3 kun ichida sunʼiy intellekt bilan suhbatdan oʻtishi lozim.

Nomzodda ingliz tili koʻnikmalari yetarli boʻlmagan taqdirda, suhbat nomzod erkin muloqot qila oladigan tilda onlayn yoki oflayn shaklida Agentlikning masʼul mutaxassislari tomonidan oʻtkaziladi.

Ikkinchi bosqich – saralash ishchi guruhi bilan suhbat

Birinchi bosqichdan muvaffaqiyatli oʻtgan nomzodning kasbiy tayyorgarligi, ekspertlik salohiyati va kommunikativ koʻnikmalari saralash ishchi guruhi tomonidan onlayn yoki oflayn shaklda suhbat orqali baholanadi.

Ijobiy baholangan nomzodlar Agentlik tomonidan tashkil qilinadigan onlayn yoki oflayn shaklidagi qisqa muddatli tayyorlov treningidan oʻtkaziladi va ushbu treningdan muvaffaqiyatli oʻtgan nomzodlarga ekspertlik sertifikati beriladi hamda ekspertlar reyestriga kiritiladi.

Menyu