Agentlik haqida

Tashqi baholash – bu taʼlim tashkiloti faoliyatini, kadrlar tayyorlash mazmuni, darajasi va sifatining davlat taʼlim standartlari (talablari) hamda akkreditatsiya mezonlariga muvofiqligini Agentlik tomonidan baholash jarayoni.

Ichki va tashqi baholash metodologiyasi Agentlik tomonidan ishlab chiqiladi va tasdiqlanadi.

Taʼlim sifatini tashqi baholash uchun Agentlik tomonidan Ekspert komissiyalari kasblar, taʼlim yoʻnalishlari, mutaxassisliklar, ixtisosliklar, kurslarning xususiyatidan kelib chiqqan holda tuziladi.

Ekspert komissiyalarining vazifalari quyidagilardan iborat:

1) ichki baholash natijalari boʻyicha olingan maʼlumotlarni ekspertizadan oʻtkazish hamda tashqi baholashni amalga oshirish;

2) taʼlim tashkilotidagi taʼlim sifati va mazmunining davlat taʼlim standartlari(talablari), akkreditatsiya mezonlari va taʼlim dasturlariga muvofiqligi hamda koʻrsatilayotgan taʼlim xizmatlarining sifati va samaradorligini baholash;

3) taʼlim sifatini oshirish va taʼlim xizmatlarini takomillashtirish boʻyicha takliflar berish hamda tashqi baholash natijalari yuzasidan hisobotni tayyorlash va Akkreditatsiya komissiyasiga taqdim etish.

Taʼlim tashkiloti tomonidan taqdim qilingan ichki baholash hisoboti asosida ekspert komissiyasi joyiga chiqmasdan, masofaviy shaklda tashqi baholashni amalga oshirishi mumkin.

Oʻzbekiston Respublikasida tan olinadigan xalqaro, xorijiy va nodavlat akkreditatsiya tashkilotlari reyestrini Agentlik yuritadi.

Navbatdan tashqari oʻrganish taʼlim tashkilotiga tashrif buyurish, tegishli maʼlumotlarni soʻrash yoki onlayn soʻrovnomalar asosida tashkil etiladi.

Davlat akkreditatsiyasining maqsadi – bu taʼlim tashkilotlarida taʼlim sifatini taʼminlash va muntazam ravishda oshirish orqali taʼlim tashkiloti (dasturi)ning ishonchliligini rasman eʼtirof etishdan iborat.