EVALAG – Germaniyaning Baden-Württemberg federal hududida tashkil etilgan mustaqil baholash va akkreditatsiya agentligi bo‘lib, 2000-yilda faoliyatini boshlagan. U oliy ta’lim muassasalari hamda ilmiy tashkilotlarda sifatni tashqi baholash va rivojlantirishga qaratilgan xizmatlarni amalga oshiradi. Agentlik Germaniya Akkreditatsiya Kengashi tomonidan tan olingan va Yevropa oliy ta’lim makonining ESG standartlariga muvofiq ishlaydi.
EVALAGning asosiy faoliyati – tizimli (system) akkreditatsiya, dasturiy akkreditatsiya, institutsional audit va strategik baholashdan iborat. Baholash jarayoni mustaqil milliy va xalqaro ekspertlar ishtirokidagi peer-review mexanizmi asosida olib boriladi. Mezonga ichki sifatni ta’minlash tizimlari, boshqaruv samaradorligi, ta’lim natijalari, ilmiy faoliyat va uzluksiz takomillashtirish mexanizmlari kiradi.
EVALAG Germaniya bilan bir qatorda Yevropa va boshqa mintaqalarda ham loyihalar amalga oshiradi. Agentlik ENQA a’zosi va EQAR ro‘yxatiga kiritilgan bo‘lib, uning qarorlari xalqaro miqyosda tan olinadi. EVALAG faoliyati oliy ta’lim muassasalarining strategik rivojlanishi, hisobdorligi va xalqaro raqobatbardoshligini kuchaytirishga xizmat qiladi.
O'zbekcha 
English
