Menyu

Xalqaro tarmoqlarga a'zolik

INQAAHE — International Network for Quality Assurance Agencies in Higher Education

O‘zbekiston Respublikasi Prezidentining “Ta’lim sifatini ta’minlash va ta’lim xizmatlari ko‘rsatish tizimini takomillashtirish bo‘yicha qo‘shimcha chora-tadbirlar to‘g‘risida” 2025-yil 5-maydagi PF–76-son Farmoniga muvofiq Ta’lim sifatini ta’minlash milliy agentligiga ta’lim sifatini ta’minlash yo‘nalishida xalqaro aloqalarni kengaytirish, sifatni baholash sohasidagi xalqaro tashkilotlarga a’zo bo‘lish hamda milliy akkreditatsiya tizimining xalqaro darajada tan olinishini ta’minlash belgilangan. Mazkur vazifalar ijrosini ta’minlash maqsadida O‘zbekiston Respublikasining oliy ta’lim sifatini ta’minlash sohasida xalqaro integratsiyasini kengaytirish hamda milliy akkreditatsiya tizimini xalqaro standartlarga muvofiqlashtirish uchun Agentlik tomonidan Oliy ta’limda sifatni ta’minlash agentliklarining xalqaro tarmog‘i (International Network for Quality Assurance Agencies in Higher Education – INQAAHE) bilan muzokaralar olib borilib, joriy yilning 4-may kuni mazkur tarmoqqa rasmiy to‘liq a’zoligiga erishildi.

INQAAHE — International Network for Quality Assurance Agencies in Higher Education

INQAAHE 1991-yilda tashkil etilgan bo‘lib, hozirgi kunda 140 dan ortiq mamlakatdan 
300 dan ziyod sifat ta’minoti agentliklarini birlashtiradi. Bosh ofisi Barselona (Ispaniya) shahrida joylashgan. Mazkur tarmoq oliy ta’lim sifatini ta’minlash sohasida global hamkorlikni rivojlantirish, ilg‘or amaliyotlarni almashish hamda umumiy yondashuvlarni shakllantirishga xizmat qiluvchi yetakchi xalqaro platformalardan biri hisoblanadi. Tarmoq doirasida har yili xalqaro konferensiyalar, seminarlar va trening dasturlari tashkil etilib, a’zo tashkilotlar o‘rtasida tizimli tajriba almashinuvi yo‘lga qo‘yilgan.

1991-yil
1991-yil
tashkil etilgan
140 ta
140 ta
mamlakat
+300 ta
+300 ta
a'zo agentliklar
Barselona (Ispaniya)
Barselona (Ispaniya)
bosh ofis

Agentlikning ushbu tarmoqqa to‘liq a’zo bo‘lishi O‘zbekiston Respublikasining ta’lim tizimini xalqaro darajada institutsional tan olinishini ta’minlashda muhim ahamiyat kasb etadi.

INQAAHEning markaziy vazifasi oliy ta’limda sifatni ta’minlash sohasida faol xalqaro hamjamiyatni qo’llab-quvvatlash orqali oliy ta’lim sifatini rivojlantirish va takomillashtirishdan iborat. Tarmoq o’z faoliyatida sifatni ta’minlash nazariyasi va amaliyotini rivojlantirish, a’zolar siyosati va faoliyatini o’zaro tushunish va almashish, shuningdek, oliy ta’lim muassasalari, talabalar va jamiyat manfaatlari yo’lida sifatni ta’minlashni ilgari surishga e’tibor qaratadi.

INQAAHE a’zolik tizimi bir nechta toifalardan iborat. Rasmiy mezonlarga ko’ra, Full Members — oliy ta’lim muassasalari yoki ta’lim dasturlarining sifatini tashqi baholash, akkreditatsiya, audit yoki boshqa baholash shakllari orqali ta’minlash uchun mas’ul bo’lgan tashkilotlardir. Bundan tashqari, INQAAHE tarkibida GGP Aligned Members, Associate Members va Affiliate Members toifalari ham mavjud.

To'liq a'zolik

INQAAHE doirasida sifatni ta’minlash agentligi sifatida to’laqonli ishtirok etish imkonini beradi. Full member maqomidagi tashkilotlar INQAAHEning qaror qabul qilish jarayonlarida ishtirok etishi, General Assembly hujjatlaridan foydalanishi, INQAAHE tadbirlarida qatnashishi yoki ularni mezbon sifatida tashkil etishi, shuningdek, INQAAHE veb-sayti orqali o’z tadbirlarini targ’ib qilishi mumkin.

INQAAHE Full membership quyidagi asosiy imkoniyatlarni beradi:
Qaror qabul qilish jarayonlarida ishtirok etish:
Full members INQAAHE boshqaruv organlari va General Assembly faoliyatida ishtirok etish huquqiga ega. GGP Aligned, Full va Associate members tarmoq boshqaruv organlarida ovoz berish huquqi bilan qatnashishi mumkin.
Xalqaro tajriba almashish:
a’zolar oliy ta’lim sifatini ta’minlash bo’yicha boshqa mamlakatlar agentliklari bilan tajriba almashish, ilg’or amaliyotlarni o’rganish va o’z amaliyotlarini xalqaro hamjamiyat bilan bo’lishish imkoniyatiga ega bo’ladi.
INQAAHE tadbirlarida ishtirok etish va mezbonlik qilish:
Full members INQAAHEning Biannual Conference, Forum va boshqa tadbirlarida qatnashishi, shuningdek, bunday tadbirlarni mezbon sifatida tashkil etishi mumkin.
Professional rivojlanish va ekspertlar tarmog’iga kirish:
Full members INQAAHEning Query Service and Support xizmatidan, konsultantlar bazasidan, professional resurslardan va xalqaro ekspertlar tarmog’idan foydalanish imkoniyatiga ega.
Ilmiy va axborot resurslaridan foydalanish:
Full members “Quality in Higher Education” akademik jurnalining yillik nashrlarini, INQAAHE Bulletin va Communiqué axborot materiallarini oladi.
Loyihalar va grant imkoniyatlari:
INQAAHE a’zolari tarmoq tomonidan e’lon qilinadigan chaqiruvlarda, jumladan Funding Scheme, QA Graduate Programme hamda INQAAHE tadbirlarida qatnashish uchun moliyaviy qo’llab-quvvatlash dasturlarida ishtirok etishi mumkin.
Xalqaro ko’rinish va nufuzni oshirish:
Full members o’z tadbirlarini INQAAHE platformalari orqali targ’ib qilishi, INQAAHE nomi va logotipidan belgilangan qoidalar asosida foydalanishi hamda xalqaro sifatni ta’minlash hamjamiyatida ko’proq ko’rinishga ega bo’lishi mumkin.

INQAAHEga Full member sifatida qabul qilinish uchun tashkilot tashqi sifatni ta’minlash faoliyatini amalga oshiruvchi agentlik bo’lishi, o’z faoliyati va jarayonlari bo’yicha tashkilot profiliga ega bo’lishi, faoliyatini tasdiqlovchi huquqiy hujjatlarni taqdim etishi hamda kamida 2 yillik tashqi baholash tajribasini ko’rsatishi talab etiladi. Shuningdek, tashkilotning rasmiy veb-sayti yangilangan va ingliz tilida foydalanish mumkin bo’lishi kerak.

INQAAHE a’zolikka qabul qilish jarayonida arizalarni Membership/Member Services Committee orqali ko’rib chiqadi.

Agentlikning ushbu tarmoqqa to‘liq a’zo bo‘lishi O‘zbekiston Respublikasining ta’lim tizimini xalqaro darajada institutsional tan olinishini ta’minlashda muhim ahamiyat kasb etadi. A’zolik natijasida milliy akkreditatsiya tizimining ochiqligi va ishonchliligi oshadi, shuningdek oliy ta’lim tashkilotlarining xalqaro hamkorlik imkoniyatlari kengayadi. Bu esa, o‘z navbatida, transmilliy ta’lim (TNE– Transnational Education) va ichki sifatni ta’minlash mexanizmlarini takomillashtirishga xizmat qiladi.

Alohida ta’kidlash joizki, Ta’lim sifatini ta’minlash milliy agentligi O‘zbekiston tarixida mazkur nufuzli xalqaro tarmoqqa a’zo bo‘lgan birinchi va yagona milliy sifatni ta’minlash organi hisoblanadi. Qisqa muddat ichida INQAAHEning to‘liq a’zoligi maqomiga erishilgani Agentlik faoliyatining xalqaro darajada e’tirof etilganini ko‘rsatadi.

Xalqaro hamkorlik

Powered by GSpeech