Menyu

Xalqaro tarmoqlarga a'zolik

APQN — Osiyo-Tinch okeani mintaqasi sifatni ta’minlash tarmog‘i (Asia-Pacific Quality Network)

O‘zbekiston Respublikasi Prezidentining “Ta’lim sifatini ta’minlash va ta’lim xizmatlari ko‘rsatish tizimini takomillashtirish bo‘yicha qo‘shimcha chora-tadbirlar to‘g‘risida” 2025-yil 5-maydagi PF–76-son Farmoniga muvofiq ta’lim sifatini ta’minlash yo‘nalishida xalqaro aloqalarni kengaytirish, sifatni baholash sohasidagi xalqaro tashkilotlarga a’zo bo‘lish hamda milliy akkreditatsiya tizimining xalqaro darajada tan olinishini ta’minlash Ta’lim sifatini ta’minlash milliy agentligining asosiy vazifalari hisoblanadi. Mazkur vazifalar ijrosini ta’minlash maqsadida O‘zbekiston Respublikasining oliy ta’lim sifatini ta’minlash sohasida xalqaro integratsiyasini kengaytirish hamda milliy akkreditatsiya tizimini xalqaro standartlarga muvofiqlashtirish uchun Agentlik tomonidan Osiyo-Tinch okeani mintaqasi sifatni ta’minlash tarmog‘i (Asia-Pacific Quality Network) bilan muzokaralar olib borilib, joriy yilning 26-may kuni mazkur tarmoqning rasman to‘liq a’zoligiga erishildi.

APQN — Osiyo-Tinch okeani mintaqasi sifatni ta’minlash tarmog‘i (Asia-Pacific Quality Network)

APQN 2003-yilda tashkil etilgan bo‘lib, bugungi kunda 45 dan ortiq mamlakat va hududlardan 200 dan ziyod sifatni ta’minlash agentliklari hamda oliy ta’lim muassasalarini birlashtiradi. Tashkilot kotibiyati Xitoyning Shanxay shahrida joylashgan. APQN oliy ta’lim sifatini ta’minlash sohasida transchegaraviy hamkorlikni rivojlantirish, ilg‘or tajribalarni almashish va uyg‘unlashgan yondashuvlarni targ‘ib etishga xizmat qiluvchi yetakchi mintaqaviy platformalardan biri hisoblanadi.

Tarmoq doirasida har yili APQN Akademik konferensiyasi (AAC), mintaqaviy seminarlar va malaka oshirish dasturlari tashkil etiladi. Shuningdek, Asia-Pacific Quality Register (APQR) orqali a’zo tashkilotlar o‘rtasida tizimli tajriba almashinuvi yo‘lga qo‘yilgan.

2003-yil
2003-yil
tashkil etilgan
45 ta
45 ta
mamlakat
+200 ta
+200 ta
a'zo agentliklar
Shanxay, Xitoy
Shanxay, Xitoy
bosh ofis
To‘laqonli a’zolikning asosiy afzalliklari
Ovoz berish huquqi va boshqaruvdagi ishtirok
APQNning yillik umumiy yig‘ilishida (AGM) ovoz berish, tashkilot siyosatini shakllantirish hamda Boshqaruv kengashiga nomzod ko‘rsatish yoki saylanish imkoniyati
Xalqaro hamkorlik va tajriba almashi
Osiyo-Tinch okeani mintaqasidagi yetakchi sifatni ta’minlash agentliklari va oliy ta’lim muassasalari bilan strategik hamkorlik o‘rnatish imkoniyati.
Tadbirlarda ishtirok etish va mezbonlik qilish
APQN Akademik konferensiyasida qatnashish, ilmiy maqolalarni konferensiya materiallarida chop etish hamda xalqaro seminar va forumlarni o‘z hududida tashkil etish huquqi.
Ekspertiza va professional rivojlanish
180 dan ortiq xalqaro ekspertlarni birlashtirgan APQN Consultant Bank ma’lumotlar bazasidan foydalanish imkoniyati.
Akademik va axborot resurslari
APQNews, APQN Annual Report va HEED ilmiy jurnali kabi nashrlardan eksklyuziv foydalanish.
Grantlar va nufuzli mukofotlar
APQN Quality Awards mukofotlariga nomzod sifatida qatnashish imkoniyati.
Xalqaro ko‘rinuvchanlik va akkreditatsiya imkoniyatlari
APQN logotipidan foydalanish hamda Asia-Pacific Quality Register (APQR) va Asia-Pacific Quality Label (APQL) ro‘yxatlariga kiritilish uchun ariza topshirish huquqi.

Ta’kidlash joizki, Ta’lim sifatini ta’minlash milliy agentligi APQN tarmog‘iga a’zo bo‘lgan O‘zbekistondagi birinchi va hozircha yagona milliy sifatni ta’minlash tashkiloti hisoblanadi. Agentlikning qisqa muddatda to‘laqonli a’zolikka qabul qilinishi uning faoliyati va standartlari xalqaro darajada e’tirof etilganining yorqin tasdig‘idir.

Milliy rivojlanishga taʼsiri

APQNning to'laqonli a'zoligiga erishish O'zbekiston Respublikasi uchun muhim tarixiy natija bo'lib, mamlakat oliy ta'lim tizimining xalqaro
miqyosdagi e'tirofi va institutsional nufuzini yanada mustahkamlaydi. Ushbu hamkorlik milliy akkreditatsiya tizimining xalqaro ishonchliligi va
shaffofligini oshirish bilan birga, mahalliy oliy ta'lim muassasalari uchun global hamkorlik imkoniyatlarini kengaytiradi.

Bundan tashqari, u transmilliy ta'lim (TNE) rivojlanishini jadallashtirish, milliy amaliyotlarni Chiba tamoyillari kabi mintaqaviy mezonlarga
moslashtirish hamda ichki sifatni ta'minlash tizimlarini yanada mustahkamlashga xizmat qiladi.

Ta'kidlash joizki, Ta'lim sifatini ta'minlash milliy agentligi APQN tarmog'iga a'zo bo'lgan O'zbekistondagi birinchi va hozircha yagona milliy sifatni
ta'minlash tashkiloti hisoblanadi. Agentlikning qisqa muddatda to'laqonli a'zolikka qabul qilinishi uning faoliyati va standartlari xalqaro darajada
e'tirof etilganining yorqin tasdig'idir.

Xalqaro hamkorlik

Powered by GSpeech