Rahimboyev Sardor Qahramonovich

Direktor o'rinbosari

Vazifalari

Quyidagi yo‘nalishlar bo‘yicha ishlar samaradorligini oshirish va vazifalar o‘z vaqtida ijro etilishini ta'minlash choralarini ko‘radi:

Ta'lim tashkilotlarida ta'lim-tarbiya va ilmiy-tadqiqot jarayonlari sifatini qiyosiy taqqoslash asosida ularning milliy reytingining yuritilishi;
Ta'lim tashkilotlari bitiruvchilari bilim hamda ko‘nikmasiga baho berish hamda ularning zamonaviy mehnat bozori talablariga mosligini o‘rganish maqsadida Umummilliy ish beruvchilar so‘rovnomasining o‘tkazilishi;
Ta'lim tashkilotlari o‘quvchi va talabalarining ta'lim sifati bo‘yicha fikrlarini o‘rganishga qaratilgan Umummilliy talabalar so‘rovnomasining o‘tkazilishi;
Agentlik o‘z vazifalarini amalga oshirishda yuritadigan tizimlarni qo‘llab-quvvatlovchi elektron platformalarni ishlab chiqilishi va faoliyat yuritilishi;
Mahalliy va xorijiy ekspertlar, shuningdek, respublika ijro etuvchi hokimiyat organlari, mahalliy davlat hokimiyati organlari, ta'lim tashkilotlari hamda boshqa tashkilotlar vakillarini jalb etilishi, ular ishtirokida ekspert komissiyalari shu bilan birgalikda ishchi guruhlar tuzilishi;
Ekspertlarni tayyorlanishi va kasbiy salohiyatining oshirilishi;
Tegishli reestrlarni yuritilishi va jamoatchilik uchun ochiq ma'lumotlarni olishda qulayliklar yaratilishi hamda boshqa vazifalar.

Mehnat faoliyati

Rahimboyev Sardor Qahramonovich – 1985-yil 16-iyunda Toshkent viloyatida tug‘ilgan. Millati – o‘zbek. Ma’lumoti – oliy. Oilali. Ikki nafar farzandi bor.

2008-2008-yy. — Oʻzbekiston Respublikasi Davlat statistika qoʻmitasi Toshkent viloyati statistika boshqarmasi birinchi toifali mutaxassisi, yetakchi mutaxassisi.
2009-2009-yy. — Oʻzbekiston Respublikasi Davlat statistikasi qoʻmitasi birinchi toifali iqtisodchisi, yetakchi mutaxassisi.
2009-2010-yy. — Toshkent viloyati hokimligi Iqtisodiyot bosh boshqarmasi yetakchi mutaxassisi.
2010-2015-yy. — Toshkent axborot texnologiyalari universiteti assistenti, katta oʻqituvchisi, dekani muovini.
2015-2019-yy. — Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi bosh mutaxassisi.
2020-2022-yy. — “Innovatsiya, texnologiya va strategiya markazi” davlat unitar korxonasi bosh mutaxassisi, xizmat boshligʻi.
2022-2023-yy. — Xalq taʼlimi vazirligi boshqarma boshligʻi.
2023-2025-yy. — Maktabgacha va maktab taʼlimi vazirligi boʻlim boshligʻi, boshqarma boshligʻi, departament direktori v.b.
2025-yil 18-sentyabrdan O‘zbekiston Respublikasi Prezidenti Administratsiyasi huzuridagi Ta'lim sifatini ta'minlash milliy agentligi direktori o‘rinbosari lavozimida ishlab kelmoqda.

Menyu

Rahimboyev Sardor Qahramonovich

Vazifalari

Mehnat faoliyati

Agentlik