Akkreditatsiya doirasida universitetning jami 63 ta ta’lim dasturi, shundan 38 ta oliy ta’lim va 25 ta oliy ta’limdan keyingi ta’lim dasturining faoliyati kompleks baholanmoqda.

Baholash jarayoni universitetning so‘nggi 3 yillik faoliyatini qamrab oladi hamda ta’lim sifati va boshqaruvidan tortib, ilmiy-tadqiqot faoliyati, talabalarni qo‘llab-quvvatlash va moddiy-texnik ta’minotgacha bo‘lgan 8 ta asosiy yo‘nalish bo‘yicha amalga oshiriladi.

Kompleks baholash jarayoniga 20 nafar, jumladan, 15 nafar mahalliy va 5 nafar xorijiy ekspert jalb etilgan.

Ekspertlar tomonidan universitet faoliyati o‘rganilib, ta’lim jarayonlarining amaldagi holati, ichki sifatni ta’minlash mexanizmlari hamda rivojlanish natijalari tahlil qilinmoqda.

Hozirga qadar universitetning 6 ta ta’lim dasturi maxsus davlat akkreditatsiyasidan o‘tkazilgan.