Ma’lumki, Ta’lim sifatini ta’minlash milliy agentligi tomonidan xorijiy akkreditatsiyalarni yurtimizda tan olish tizimi yo‘lga qo‘yilmoqda.

Shu maqsadda Agentlik va Buyuk Britaniyaning nufuzli AMBA & BGA akkreditatsiya tashkilotlari oʻrtasida kelishuv imzolandi.

Bunga ko‘ra, endilikda AMBA & BGA akkreditatsiya tashkilotlaridan akkreditatsiyadan o‘tgan biznes va menejment dasturlari yurtimizda maxsus akkreditatsiyadan ozod etiladi.

Shuningdek, AMBA & BGA akkreditatsiya tashkilotlari va Agentlik hamkorligida mutaxassislar almashinuvi, seminar-treninglar va malaka oshirish dasturlari tashkil etiladi.

Ma’lumot uchun, hozirgi kunga qadar Markaziy Osiyoda faqatgina 2 ta oliygohning biznes va menejment ta’lim dasturlari xalqaro akkreditatsiyadan oʻtgan.

Ushbu kelishuv yurtimiz oliygohlarida ta’lim dasturlarining xalqaro darajada tan olinishi sari qo‘yilgan muhim qadamlardan biridir.