Ta’lim sifatini ta’minlash milliy agentligi

O‘zbekiston ta’lim tizimida sifat, adolat va shaffoflik tamoyillariga asoslangan mustaqil baholash va rivojlantirish institutidir. Bizning asosiy maqsadimiz — ta’lim muassasalarining faoliyatini xolisona baholash, ularning davlat ta’lim standartlari va sifat talablariga javob berishini ta’minlashdir.

Agentlik O‘zbekistonda ta’lim sifatini oshirishga yo‘naltirilgan milliy tizimni yaratadi, xalqaro ilg‘or tajribalar asosida baholash mexanizmlarini joriy etadi hamda ta’lim muassasalarini uzluksiz takomillashuv sari undaydi.

Qadriyatlarimiz

Mustaqillik

Baholash va qaror qabul qilishda xolislik va mustaqillikga amal qilish.

Adolat va inklyuzivlik

Har bir tashkilot va shaxsga nisbatan tenglik, adolat va imkoniyatlar tengligini ta’minlash.

Shaffoflik

Jarayonlar va qarorlar ochiqligini ta’minlash, ta’lim muassasasi va jamiyat bilan ishonchli hamkorlikni yo’lga qo’yish.

Sifatga sadoqat

Ta’lim sifatini doimiy oshirishga intilish va ilg‘or amaliyotlarni qo‘llash

Innovatsion yondashuv

Yangiliklarga ochiqlik, raqamlashtirish va zamonaviy texnologiyalarni tatbiq etish.

Hamkorlik

Mahalliy va xalqaro hamkorlikni rivojlantirish orqali ta’lim sifatini kuchaytirish.

Strategiyamiz

Xalqaro ilg‘or tajribalari asosida milliy ta’lim sifatini ta’minlash siyosati va standartlarini ishlab chiqish hamda ularni amaliyotga joriy etish;

Milliy malaka ramkasi va sifatni ta’minlash tizimlarini xalqaro standart va platformalar bilan uyg‘unlashtirishga ko‘maklashish;

Oʻrta maxsus, kasbiy, oliy va oliy taʼlimdan keyingi taʼlim, shuningdek, kadrlarni qayta tayyorlash va ularning malakasini oshirish muassasalarini kompleks va maxsus akkreditatsiya jarayonlari orqali baholab borish;

Ta’lim sifatini oshirish uchun innovatsion baholash metodlarini joriy etish;

Xalqaro hamkorlikni kuchaytirish va ta’lim tizimini jahon standartlariga moslashtirish;

Menyu

Biz haqimizda